Dugnaskapsroyndin fevnir um ein ástøðiligan og ein verkligan part. Byrjað verður við ástøðiligu royndini, sum tekur uml. 1 tíma. Her leggur loðsurin fram ymiskar upplýsingar um ávísu havnina. Spurningar í ástøðiligu royndini fevna m.a. um: • Staðarnøvn • Kortupplýsingar • Innsiglingarljós og merkir • Flóð og fjøru • Dýpið • Bryggjueginleikar Staðbundnar vandar herundir: • Veðurfrøðilig viðurskifti • Streymviðurskifti Síðani verður farið til verkliga partin, sum tekur umleið 3 tímar – við próvtøku. Verkliga royndin, har loðsurin skal leggja eina sigling til rættis við atliti at m.a.: • Skipinum (Loðskorti og samrøðu við skipara) • Møguligum sleipara • Umhvørvinum (Sjókorti og staðbundnum upplýsingum) • Siglingarfrøðini (Sjókorti) • Veðrinum (Veðurstovu) • Streyminum (Streymkorti) Loðsurin skal loðsa ymisk skip í ymiskum umstøðum, t.d.: • Loðsurin loðsar skipið fyrstu ferð í ella úr havn í dagsljósi og í góðum veðri. • Loðsurin loðsar skipið aðru ferð í ella úr havn í myrkri og í góðum veðri. • Loðsurin loðsar skipið triðju ferð í ella úr havn í vánaligum sýni í góðum veðri. • Loðsurin loðsar skipið fjórðu ferð í ella úr havn í dagsljósi og í vindi. • Loðsurin loðsar skipið fimtu ferð í ella úr havn í dagsljósi og í vindi og samskiftir við sleipara. Loðsurin verður mettur út frá: • Ástøðiligum førleika til at leggja siglingina til rættis. Verkligari fremjan av loðsingini við serligum atliti at: • Kunnleika til staðbundin viðurskifti • Handfaring av skipinum • Samskifti við manning og onnur viðkomandi

Loðsprógv

5 Ár